ලඟදී මා අප පලාතේ තිබූ පාසලකට ( රත්නපුර සීවලී ) , ඔවුන්ගේ විශාල ප්‍රදර්ශනයක් සඳහා ගියෙමි. මහ ලොකුවට ප්‍රසිද්ධියක් ලබා දී තිබුනත් එහි මාහට නම් වැදගත් යයි යමක් තිබුනේ නැත. කාඩ් බෝඩ් කෑලි ටිකට , පෝස්ටර් කෑලි ටිකට අමතරව එහි තිබුනේ හමුදාවේ බෝට්ටුවකුත් , අහස් යාත්‍රාවකුත් , කඩ ටිකකුත් පමනි..

පාසලේ විද්යා අංශයේ පෝලිමට ගාට ගාට බෝඩ් කෑලි බලෙන් නරඹමින් සිටි මට , පාසලේ චන්ඩියෙක් යැයි සිතිය හැකි සහෝදරයෙක් "තොප්පිය ගලවපන්" යැයි පැවසීය. " උඹට ඕනි නම් ගලවපන් " යැයි පැවසීමට හිතුනත් , ආත්මාරක්ශක සටන් පන්තියකට යන නිසා අවශ්ය නම් හක්ක පන්නා දැමීමට උවත් තිබූවත් එසේ කෙරීමට තරම් වරදක් ඔහු නොකල බව හැඟුන නිසාත් , එවෙලෙහි සියල්ල එපා වී තිබූ නිසාත් ලඟ පාත fit එකෙක් නොසිටි නිසාත් , වලියක් ඇද ගැනීමට තරම් මානසික තත්වයක් නොතිබූ නිසාත් මම නිහඞවම තොප්පිය ගැලවූවෙමි.

මා තොප්පිය දමා සිටියේ ඒට ටික වෙලාවකට පෙර මඳ වැස්සක් ඇද වැටුනු නිසාය , එසේ නොවුනත් පාසලක් තුල තොප්පියක් දමා සිටිමේ ඇති වරදක් මට නොතේරේ !

මගේ පාසලේදී වුවත් මම පන්තියේ සිට ගේට්ටුව ලඟට එන තෙක්ම තොප්පිය දමාගෙන එන්නෙමි. ඇත්තටම මේ වගේ කිසිම තේරුමක් නැති සිරිත් වලින් ඇති පලය මොකක්ද ? තොප්පියක් පාසලක් තුල දමාගෙන සිටීමෙන් පාසලට වෙන අවැඩක් නැත , පාසලේ බිත්ති ඉරි තලන්නේද නැත.. ශරීරයේ ඔලුව වැදගත්ම අන්ගයක් නොවෙය්ද ? එසේනම් ඔලුවට තොප්පියක් දා ගැනීම වරදක් වන්නේ කෙසේද ?

පාසල තුල තොප්පිය දමා සිටීම පාසලට අගවුරවක් යයි යමෙකුට සිතිය හැක. එය සම්මතය නොවේ යයි තවත් අයෙකුට සිතිය හැක. සම්මතය යනු නිදහසට , දියුනුවට බාදාවකි... පෙර කල මිනිසුන් ගස් ගල් වලට වැන්දෝය , එය තේරුමක් නැති දෙයක් යැයි පෙන්වා දුන් තැනැත්තා එදා අවලමෙක් හෝ සම්මතයට , සමාජයට , කෘතගුන සැලකීමට වීරුද්ද අයෙකු මෙන් හැඟෙන්නට ඇත... නමුත් ගස් ගල් වලට වැඳීම නතර වුවේ කිසියම් හෝ අයෙක් සම්මතයට විරුද්දව , යථාර්තය දැන ගත් නිසාය.

තොප්පියක් පාසලක් තුල දමාගෙන සිටීමෙන් පාසලට හානියක් හෝ , පන ඇති සත්වයෙකුට හානියක් හෝ , පාසලට අගවුරවයක් යැයි කිසිවෙකුට හෝ ඔප්පු කල හැකි නම් එදා සිට මම තොප්පිය ගලවා දමන්නෙමි....